Լվովում սպանվել է Ուկրաինայի Գերագույն ռադայի նախկին նախագահ Անդրեյ Պարուբին: Նրա մահվան մասին լուրը հաստատել է նախագահ Վլադիմիր Զելենսկին՝ հղում անելով իրավապահներին:
Ըստ իրավապահների՝ կրակոցը հնչել է կեսօրին մոտ, Պարուբին մահացել է տեղում՝ ստացած վնասվածքներից։ Կրակողը դեռ չի հայտնաբերվել։
Զելենսկին ցավակցել է Պարուբիի ընտանիքին և խոստացել բոլոր անհրաժեշտ ռեսուրսները գործադրել հետաքննության համար։
Պարուբին մասնակցել է Ուկրաինայի 2013–2014 թթ. Արժանապատվության հեղափոխությանը, խորհրդարանի նախագահն է եղել 2016–2019-ին։
Լվովի մարզպետի աշխատակազմի ղեկավար Մաքսիմ Կոզիցկին հավելել է, որ որոնման աշխատանքներում ներգրավված են բոլոր ծառայությունները։
