Նյու Յորքում հանդիպել են Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն:
Հանդիպմանը, ըստ ՌԴ ԱԳՆ-ի, քննարկվել է ուկրաինական ճգնաժամի կարգավորման շուրջ՝ ռուս-ամերիկյան գագաթնաժողովում ձեռք բերված պայմանավորվածությունների զարգացման ուղղությամբ քայլերը: Կողմերը վերահաստատել են խաղաղ լուծումներ գտնելու փոխադարձ շահագրգռվածությունը։
Կողմերը պայմանավորվել են կառուցողական երկխոսություն պահպանել Ռուսաստանի և ԱՄՆ արտաքին քաղաքական գերատեսչությունների միջև:
