Ռուսաստանի արտգործնախարար Սերգեյ Լավրովն աշխատանքային այցով ժամանել է Իրան։
Ակնկալվում է, որ Ռուսաստանի և Իրանի արտաքին քաղաքականության գերատեսչությունների ղեկավարները մանրամասն կքննարկեն ռուս-իրանական հարաբերությունների երկկողմ օրակարգը, տարածաշրջանային հարցեր։
Ավելի վաղ Լավրովն այցելել էր Թուրքիա, որտեղ բանակցություններ է վարել իր թուրք գործընկեր Հաքան Ֆիդանի հետ։
Լավրովին ընդունել է նաև Թուրքիայի նախագահը։
Վերջին անգամ Ռուսաստանի արտգործնախարարը Թեհրան էր այցելել 2023 թվականի հոկտեմբերին՝ Հարավային Կովկասի «3+3» հարթակի նախարարների հանդիպմանը։
