Շուրջ մեկ շաբաթ Լարս տանող ճանապարհը փակ էր, տարբեր երկրների հազարավոր մեքենաներ արգելափակված էին: Դրանցից ավելի քան 500-ը հայկական բեռնատարներ էին:
Ռուսաստանում Հայաստանի մաքսային կցորդ Վահան Հակոբյանի փոխանցմամբ՝ միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում երթևեկությունն այսօր վերականգնվել է թեթև մարդատար և ուղևորատար տրանսպորտային միջոցների համար:
Ճանապարհի այդ հատվածում երթևեկությունը կիրականացվի անխափան՝ միայն ձնահոսքի թունելներով։ Այս պահի դրությամբ ճանապարհը մնում է փակ միայն բեռնատար տրանսպորտային միջոցների համար:
