Կրեմլը հինգշաբթի օրը պաշտոնանկ է արել Ռուսաստանի տիեզերական գործակալության ղեկավարին երեք տարուց պակաս պաշտոնավարումից հետո:
Կրեմլի հայտարարության մեջ ասվում է, որ Յուրի Բորիսովը, որը 2022 թվականի հուլիսից ղեկավարում էր «Ռոսկոսմոսը», ազատվել է զբաղեցրած պաշտոնից, իսկ պատճառը նշված չէ:
Նրան փոխարինել է տրանսպորտի փոխնախարար Դմիտրի Բականովը, որը մինչ կառավարությունում աշխատանքը ղեկավարում էր արբանյակային ընկերությունը:
Տիեզերական հետազոտությունների ոլորտում Ռուսաստանի հավակնություններին լուրջ հարված հասցվեց 2023 թվականի օգոստոսին, երբ նրա «Լունա-25» միջմոլորակային ավտոմատ կայանը դադարեց գոյություն ունենալ Լուսնի մակերեսին բախման հետևանքով:
Անցյալ տարի Բորիսովը հաստատել էր ժամանակացույցը, որի համաձայն ռուսական նոր կայանի առաջին երկու մոդուլները կգործարկվեն 2027 թվականին:
