Կրասնոդարում անօդաչու թռչող սարքի հարձակման հետևանքով տուժել են բնակելի շենքեր։ Շրջանի ղեկավար Վենիամին Կոնդրատևը պնդում է, որ կործանված անօդաչու թռչող սարքերի բեկորներն ընկել են Կենտրոնական բնակելի համալիրի վրա։ Տուժածներ չկան։
Կոնդրատևի խոսքով, մեկ այլ ԱԹՍ է խոցվել Սևերսկի շրջանի Աֆիպսկի գյուղում, որի բեկորները վնասել են մեկ տուն։ Ոչ ոք չի տուժել, գրել է մարզպետը։
Ռոստովի մարզի Միլլերովսկի շրջանում նույնպես մի քանի անօդաչու թռչող սարք է խոցվել, ասել է շրջանի ղեկավարի պաշտոնակատար Յուրի Սլյուսարը։
Ռուսաստանի պաշտպանության նախարարությունը հայտնել է, որ գիշերը խոցվել է 15 անօդաչու թռչող սարք։ Նրանցից 7-ը որսացել են Կրասնոդարի երկրամասի երկնքում, երեքը՝ Բրյանսկի, երկուսը՝ Ռոստովի, մեկական՝ Կուրսկի և Բելգորոդի շրջանների վրա։ Եվս մեկ ԱԹՍ է խոցվել Ռուսաստանի կողմից բռնակցված Ղրիմի տարածքում, պնդում են ռազմական գերատեսչությունը։
