Ապրիլի 1-ին տեղի է ունեցել «Քաղաքացիական պայմանագիր» կուսակցության Վարչության նիստը։
Ըստ կուսակցության կայքէջի՝ նիստը վարել է վարչության նախագահ, վարչապետ Նիկոլ Փաշինյանը, քննարկվել են խաղաղության գործընթացին առնչվող հարցեր, ինչպես նաև ամփոփվել են Գյումրու և Փարաքարի ՏԻՄ ընտրությունների արդյունքները։
Այլ մանրամասներ չեն հաղորդվում։
Մարտի 30-ին կայացած ՏԻՄ ընտրություններում Փարաքարում ընդդիմության թեկնածուն ստացավ մոտ 57 տոկոս ձայն, Գյումրիում թեև առավելագույն թվով ձայներ՝ ավելի քան 36 տոկոս ստացել է «Քաղաքացիական պայմանագիրը», բայց քաղաքի կառավարումը հնարավոր է ստանձնեն անցողիկ շեմը հաղթահարած ընդդիմադիր չորս ուժերը, որոնց ձայների հանրագումարն ավելի քան 50 տոկոս է:
Խորհրդրանական ընդդիմության կարծիքով՝ Նիկոլ Փաշինյանը պարտվեց հավաքական ընդդիմությանը։
