ՔՊ-ից ովքեր են 12 հանձնաժողովների համար առաջադրված թեկնածուները

Շողիկ Գալստյան

հուլիս 14, 2026

«Քաղաքացիական պայմանագրի» համագումար, արխիվ

«Քաղաքացիական պայմանագրից» ովքե՞ր կղեկավարեն խորհրդարանական հանձնաժողովները։ Չնայած իշխող ուժն այս պահին պաշտոնապես ոչինչ չի հաղորդում, այդուհանդերձ, «Ազատության» տեղեկություններով, իշխող կուսակցությունում ներքին առաջադրումների փուլն արդեն ավարտվել է։

Բոլոր 12 մշտական հանձնաժողովների համար կան հստակ թեկնածուներ։ Առաջադրվածների ցուցակից դատելով հանձնաժողովներ ղեկավարելու հավակնություն ունեն ինչպես հին ու փորձված նախագահներ, այնպես էլ բավականին անսպասելի դեմքեր, որոնց առաջադրումն անակնկալ է եղել նույնիսկ թիմակիցների համար:

12 հանձնաժողովների համար առաջադրված թեկնածուները

1/27 Ազգային ժողովի պետաիրավական հարցերի մշտական հանձնաժողովում առաջադրված միակ թեկնածուն գործող նախագահ Արուսյակ Ջուլհակյանն է:

2/27 ՔՊ վարչության անդամ Արմեն Խաչատրյանն առաջադրվել է Պաշտպանության և անվտանգության հարցերի մշտական հանձնաժողով նախագահի պաշտոնի համար:

3/27 Պաշտպանության և անվտանգության հարցերի մշտական հանձնաժողով նախագահի պաշտոնի համար հաջաջրված հաջորդ թեկնածուն՝ ՔՊ վարչության անդամ Վիլեն Գաբրիելյան:

4/27 ԵԿՄ նախագահ Սասուն Միքայելյանը նույնպես առաջադրվել է Պաշտպանության հանձնաժողովի նախագահի պաշտոնի համար:

5/27 Վարչապետի մամուլի խոսնակ Նազելի Բաղդասարյանն առաջադրվել է Աշխատանքի և սոցիալական հարցերի մշտական հանձնաժողովի նախագահի պաշտոնի համար:

6/27 Աշխատանքի և սոցիալական հարցերի մշտական հանձնաժողովի նախագահի պաշտոնի հավակնություն ունի նաև հանձնաժողովի անդամ Մարիամ Պողոսյանը:

7/27 Զարուհի Բաթոյանն առաջադրվել է Աշխատանքի և սոցիալական հարցերի մշտական հանձնաժողովի, ինչպես նաև Մարդու իրավունքների պաշտպանության հանձնաժողովի նախագահի պաշտոնի համար:

8/27 Կրթության հանձնաժողովի անդամ Լիլիթ Ստեփանյանն առաջադրվել է Աշխատանքի և սոցիալական հարցերի մշտական հանձնաժողովի նախագահի պաշտոնի համար:

9/27 ՔՊ խմբակցության ղեկավարի պաշտոնի համար առաջադրված, բայց չընտրված Արթուր Հովհաննիսյանը ևս կպայքարի Աշխատանքի և սոցիալական հարցերի մշտական հանձնաժողովի նախագահի պաշտոնի համար:

10/27 Չորս թեկնածու էլ առաջադրվել է Առողջապահության հարցերի մշտական հանձնաժողովը ղեկավարելու համար։ Հավակնորդների թվում է հանձնաժողովի անդամ Լուսինե Բադալյանը:

11/27 Պետաիրավական հարցերի հանձնաժողովի անդամներ Ալխաս Ղազարյանը ևս առաջադրվել է Առողջապահության հարցերի մշտական հանձնաժողովը ղեկավարելու համար:

12/27 Տրդատ Սարգսյանն առաջադրվել է Առողջապահության հարցերի մշտական հանձնաժողովի նախագահի պաշտոնի համար: Նա նաև կպայքարի Տարածաշրջանային և Եվրասիական ինտեգրման հանձնաժողովի նախագահի պաշտոնի համար:

13/27 Նելլի Բավեյանն առաջադրվել է Առողջապահության հարցերի մշտական հանձնաժողովի նախագահի պաշտոնի համար:

14/27 Կրթության հանձնաժողովի նախագահի պաշտոնի համար պայքարողների թվում է Հակոբ Կոջոյանի անվան կրթահամալիրի տնօրեն Ռուզաննա Երեմյանը:

15/27 Կրթության հանձնաժողովի նախագահի պաշտոնի համար առաջադրվել է նաև գործող նախագահ Սիսակ Գաբրիելյանը:

16/27 Կրթության հանձնաժողովի փոխնախագահ Թագուհի Ղազարյանը ևս կպայքարի այս հանձնաժողովի նախագահի պաշտոնի համար:

17/27 Մարդու իրավունքների պաշտպանության հանձնաժողովի նախագահի պաշտոնի համար առաջադրվել է Ռուստամ Բաքոյանը:

18/27 Հասմիկ Հակոբյանը կպայքարի և՛ Տարածաշրջանային և Եվրասիական ինտեգրման հանձնաժողովի նախագահի, և՛ Մարդու իրավունքների պաշտպանության հանձնաժողովի նախագահի պաշտոնների համար:

Եվրաինտեգրման հանձնաժողովը<strong> </strong>ղեկավարելու համար առաջադրվել է գործող նախագահ Արման Եղոյանը: — 19/27 Եվրաինտեգրման հանձնաժողովը ղեկավարելու համար առաջադրվել է գործող նախագահ Արման Եղոյանը:

Հանձնաժողովի անդամ Սոնա Ղազարյանը ևս ցանկություն ունի ղեկավարել Եվրաինտեգրման հանձնաժողովը<strong>:</strong> — 20/27 Հանձնաժողովի անդամ Սոնա Ղազարյանը ևս ցանկություն ունի ղեկավարել Եվրաինտեգրման հանձնաժողովը:

21/27 Արտաքին հարաբերությունների հանձնաժողովի նախագահի պաշտոնում աշխատանքը շարունակելու ցանկություն ունի գործող նախագահ Սարգիս Խանդանյանը։

22/27 Տաթևիկ Գասպարյանը ևս առաջադրվել է Արտաքին հարաբերությունների հանձնաժողովի նախագահի պաշտոնի համար:

23/27 Ծովինար Վարդանյանն առաջադրվել է Ֆինանսավարկային և բյուջետային հանձնաժողովի նախագահի պաշտոնի համար:

24/27 Ֆինանսավարկային և բյուջետային հանձնաժողովի նախագահի պաշտոնի համար առաջադրվել է նաև ԲՀԿ-ից ՔՊ տեղափոխված Սերգեյ Բագրատյանը:

25/27 Ֆինանսավարկային և բյուջետային հանձնաժողովի նախագահի պաշտոնի համար առաջադրվել է Բաբկեն Թունյանը, որը նաև Տնտեսական հանձնաժողովի նախագահ է ցանկանում դառնալ:

26/27 Տարածքային կառավարման հանձնաժողովի նախագահի առաջադրված թեկնածուներից է Վահե Ղալումյանը:

27/27 Գարիկ Սարգսյանը ևս առաջադրվել է Տարածքային կառավարման հանձնաժողովի նախագահի պաշտոնի համար:

Ինտրիգ չկա Պետաիրավական հարցերի մշտական հանձնաժողովում, այստեղ առաջադրված միակ թեկնածուն գործող նախագահ Արուսյակ Ջուլհակյանն է:

Ջուլհակյանն այս հանձնաժողովի ղեկը ստանձնել էր ընդամենը երկու ամիս առաջ, որից հետո առաջադրվել էր որպես ԱԺ փոխնախագահի թեկնածու, բայց ներիշխանական պայքարում նրան չհաջողվեց հաղթել, և հիմա Ջուլհակյանն, ամենայն հավանականությամբ, կվերընտրվի նույն հանձնաժողովի նախագահի պաշտոնում։

Պաշտոնին հրաժեշտ կտա Անդրանիկ Քոչարյանը, որը 2018-ի հեղափոխությունից հետո ղեկավարել է Ազգային ժողովի պաշտպանության և անվտանգության հարցերի հանձնաժողովը, ինչպես նաև ապրիլյան և 44-օրյա պատերազմների հանգամանքներն ուսումնասիրող քննիչ հանձնաժողովները։ Պատգամավորն այս անգամ առաջադրվածների ցուցակում չկա։

Քոչարյանն արդեն հայտարարել է՝ իր համար ընդունելի է այն ձևաչափը, երբ թեկնածուին առաջադրում ու ընտրում է խմբակցությունը։ Մինչդեռ այս անգամ հավակնորդներին հաստատելու է ՔՊ վարչությունը։

Պաշտպանության հանձնաժողովի նախագահի պաշտոնի համար առաջադրվել են ՔՊ վարչության անդամներ՝ Արմեն Խաչատրյանն ու Վիլեն Գաբրիելյանը։ Ինչպես նաև ԵԿՄ նախագահ Սասուն Միքայելյանը։ Խաչատրյանն այս գումարման խորհրդարանում հանձնաժողովի փոխնախագահն էր։ Գաբրիելյանը նախորդ տարի վայր էր դրել պատգամավորական մանդատը՝ լրագրողին հայհոյելու միջադեպից հետո։ Իսկ Սասուն Միքայելյանը, որ ներկայիս խորհրդարանում պատգամավոր չէ, նախորդ խորհրդարաններում հաճախ էր հայտնվում աղմկոտ սկանդալների կենտրոնում։

Թեժ պայքար է Աշխատանքի և սոցիալական հարցերի մշտական հանձնաժողովի պաշտոնի համար։ Գործող նախագահ Հերիքնազ Տիգրանյանը, որ ՔՊ ընտրական ցուցակի 96-րդ հորիզոնականում է, մանդատ չի ստանա։ Նրա հանձնաժողովը ղեկավարելու հավակնություն ունեն վարչապետի մամուլի խոսնակ Նազելի Բաղդասարյանը, հանձնաժողովի անդամներ Մարիամ Պողոսյանն ու Զարուհի Բաթոյանը, կրթության հանձնաժողովի անդամ Լիլիթ Ստեփանյանը, ինչպես նաև խմբակցության ղեկավարի պաշտոնի համար առաջադրված, բայց չընտրված Արթուր Հովհաննիսյանը։

Չորս թեկնածու էլ առաջադրվել է Առողջապահության հարցերի մշտական հանձնաժողովը ղեկավարելու համար։ Հավակնորդների թվում են հանձնաժողովի անդամ Լուսինե Բադալյանը, Պետաիրավական հարցերի հանձնաժողովի անդամներ Ալխաս Ղազարյանն ու Տրդատ Սարգսյանը, ինչպես նաև Նելլի Բավեյանը, որն այս խորհրդարանի նորեկ պատգամավորներից է։

Կրթության հանձնաժողովի նախագահի պաշտոնի համար պայքարողների թվում նույնպես նորեկ կա՝ Հակոբ Կոջոյանի անվան կրթահամալիրի տնօրեն Ռուզաննա Երեմյանը, որին քարոզարշավի ընթացքում հաճախ կարելի էր տեսնել վարչապետի քարոզչախմբի հետ։ Առաջադրվել են նաև հանձնաժողովի գործող նախագահ Սիսակ Գաբրիելյանն ու փոխնախագահ Թագուհի Ղազարյանը։

Նույնքան թեկնածու առաջադրվել է Մարդու իրավունքների պաշտպանության հանձնաժողովի նախագահի պաշտոնի համար։ Այստեղ թեկնածուներն են հանձնաժողովի փոխնախագահ Ռուստամ Բաքոյանը, Զարուհի Բաթոյանն ու ՔՊ վարչության անդամ Հասմիկ Հակոբյանը։ Հակոբյանն ու Տրդատ Սարգսյանը առաջադրվել են նաև Տարածաշրջանային և Եվրասիական ինտեգրման հանձնաժողովի նախագահի պաշտոնի համար։

Իսկ Եվրաինտեգրման հանձնաժողովը ղեկավարելու ցանկություն ունեն գործող նախագահ Արման Եղոյանն ու հանձնաժողովի անդամ Սոնա Ղազարյանը։

Արտաքին հարաբերությունների հանձնաժողովի նախագահի պաշտոնում աշխատանքը շարունակելու ցանկություն ունի գործող նախագահ Սարգիս Խանդանյանը։ Ավելի քան երեք տարի այս հանձնաժողովը ղեկավարած Խանդանյանը առաջադրված միակ թեկնածուն չէ։ Ուժերը որոշել է փորձել նաև որևէ նախաձեռնությամբ կամ ելույթով խորհրդարանում աչքի չընկած Տաթևիկ Գասպարյանը։

Ֆինանսավարկային և բյուջետային հանձնաժողովի նախագահի պաշտոնի համար առաջադրվել են գործող նախագահ Ծովինար Վարդանյանը, ԲՀԿ-ից ՔՊ տեղափոխված Սերգեյ Բագրատյանը և Բաբկեն Թունյանը։ ՔՊ-ական Թունյանը նաև Տնտեսական հանձնաժողովի նախագահ է ցանկանում դառնալ։ Այս հանձնաժողովում նա առաջադրված միակ թեկնածուն է։

Պատգամավոր Վահե Ղալումյանն ու Գարիկ Սարգսյանն էլ Տարածքային կառավարման հանձնաժողովի նախագահի առաջադրված թեկնածուներն են։

Թե հավակնորդներից ում կընտրի ՔՊ վարչությունը, պարզ կդառնա ամսվա վերջին։ Թեև 12 հանձնաժողովներից չորսի նախագահությունը, ըստ օրենքի, հասնում է ընդդիմությանը, երեքը՝ «Ուժեղ Հայաստան»-ին, մեկը՝ «Հայաստան» դաշինքին, իշխող ուժից որոշել են ամեն դեպքում իրենց թեկնածուներին ունենալ։

Ըստ պլանի, եթե հանձնաժողովի նախագահ դառնա ընդդիմության թեկնածուն, ՔՊ-ի ներկայացուցիչը այդ նույն հանձնաժողովում կդառնա փոխնախագահ։

ԿԱՐԴԱՑԵՔ ՆԱԵՎ

Արուսյակ Մանավազյանն ընտրվեց ՔՊ խմբակցության ղեկավարի պաշտոնում

«Շոյված եմ արդյունքից». ԱԺ նախագահի թեկնածու է ընտրվել Ռուբեն Ռուբինյանը

Հոդվածը կարող եք գտնել հետևյալ բաժիններում

Առնչվող թեմաներով

Խորհրդարանական հանձնաժողովներ. ովքեր են ՔՊ թեկնածուները