Ուկրաինայի նախագահ Վլադիմիր Զելենսկին հայտարարել է, որ պատրաստ է ուղիղ բանակցությունների Ռուսաստանի հետ, այն ժամանակ, երբ Կիևը Վաշինգտոնի և Եվրոպայի հետ ընդհանուր դիրքորոշում ձեռք կբերի, թե ինչպես վերջ տալ եռամյա պատերազմին:
Զելենսկին նաև ասել է, որ ԱՄՆ նախագահ Դոնալդ Թրամփը դեռևս չի վերջնականացրել իր ծրագիրը, թե ինչպես է ցանկանում վերջ տալ հակամարտությանը:
«Մենք պատրաստ ենք ցանկացած զրույցի Ամերիկայի և մեր դաշնակիցների հետ», - ասել է Զելենսկին։
«Եթե նրանք մեզ կոնկրետ պատասխաններ տան մեր կոնկրետ հարցերին և ընդհանուր ըմբռնում լինի Պուտինի հետ կապված, ապա մենք պատրաստ կլինենք խոսել ռուսների հետ», - հավելել է նա։
