Խամենեին հորդորում է ԱՄՆ-ին չմիջամտել Իրանի՝ ուրանի հարստացման ծրագրին

Իրանի գերագույն առաջնորդ այաթոլա Ալի Խամենեին հորդորում է ԱՄՆ-ին չմիջամտել Իրանի՝ ուրանի հարստացման ծրագրին, հայտնում է IRNA գործակալությունը:

Այաթոլլա Խամենեին ընդգծել է միջուկային տեխնոլոգիայի բազմաշերտ նշանակությունը՝ նշելով, որ այն սահմանափակված չէ միայն էներգիայի արտադրությամբ, այլ նաև հանդիսանում է բազմաթիվ գիտական ճյուղերի հիմք։

Նա ընդգծել է, որ ուրանի հարստացումը մնում է Իրանի միջուկային ծրագրի առանցքը, որը մշտապես գտնվում է թշնամիների ուշադրության կենտրոնում։

Իրանի գերագույն առաջնորդը քննադատել է ԱՄՆ քաղաքականությունը՝ պնդելով, որ Վաշինգտոնի հիմնական նպատակը Իրանի միջուկային զարգացման խոչընդոտումն է և երկրի կախվածություն ստեղծելը օտար ուժերից։ Այաթոլլա Խամենեին կտրականապես մերժել է նման ճնշողական մեթոդները՝ հաստատելով, որ ԱՄՆ-ը անկարող է կասեցնել Իրանի միջուկային առաջընթացը։

Իրանն ու ԱՄՆ-ն մայիսին բանակցությունների հինգ փուլն են անցկացրել՝ Իրանի միջուկային ծրագրի շուրջ համաձայնության հասնելու համար:

Իրանի միջուկային ծրագրի շուրջ բանակցություններն ակտիվացան անցած ամիսներին՝ Սպիտակ տուն Դոնալդ Թրամփի վերադարձից հետո։

ԿԱՐԴԱՑԵՔ ՆԱԵՎ

ԱՄՆ-ն ու Իրանն, ըստ Ուիթքոֆի, առաջընթաց են գրանցել բանակցություններում

Միացիր մեզ Տելեգրամում

Սեղմել այստեղ