ԱՄՆ նախագահ Դոնալդ Թրամփի բանագնաց Ջոն Քոուլը հայտարարել է, որ Բելառուսում մնացած մոտ 1000 քաղբանտարկյալներ առաջիկա ամիսներին կարող են ազատ արձակվել, հույս հայտնելով՝ մեկ մեծ խմբով:
«Կարծում եմ՝ ավելի քան հնարավոր է, որ մենք կարողանանք դա անել, կարծում եմ՝ դա հավանական է... Մենք ճիշտ ուղու վրա ենք, առաջընթացը կա»,- Reuters-ին ասել է Թրամփի բանագնացը։
Երկօրյա բանակցություններից հետո՝ այսօր Բելառուսի նախագահ Ալեքսանդր Լուկաշենկոն ներում է շնորհել 123 բանտարկյալի, այդ թվում՝ Նոբելյան Խաղաղության մրցանակի դափնեկիր Ալես Բելյացկիին, Բելառուսի նախագահի նախկին թեկնածու Վիկտոր Բաբարիկոյին, ընդդիմության առաջնորդներից Մարիա Կոլեսնիկովային:
Հաղորդվում է, որ սա տեղի է ունեցել Բելառուսի կալիումի արդյունաբերության նկատմամբ ԱՄՆ պատժամիջոցները վերացնելու դիմաց:
