Իտալիայի Էկոնոմիկայի նախարար Ջանկառլո Ջորջետին շաբաթ օրը հանդես է եկել ԱՄՆ-ի նկատմամբ պատասխան մաքսատուրքերի սահմանելու դեմ:
Ելույթ ունենալով Միլանից ոչ հեռու կայացած գործարար համաժողովում՝ Ջորջետին հայտարարել է, որ Իտալիան ձգտում է ԱՄՆ-ի հետ հարաբերությունների «դեէսկալացիայի»:
«Մենք պետք է խուսափենք հակընդդեմ սակագների քաղաքականություն վարելուց, որը կարող է վնաս հասցնել բոլորին և հատկապես մեզ», - ասել է Ջորջետին:
Թրամփի սահմանած մաքսատուրքերի համաձայն՝ Իտալիան, որն ունի Միացյալ Նահանգների հետ առևտրի մեծ ավելցուկ, Եվրամիության մյուս երկրների հետ միասին հարկվելու է 20 տոկոս ընդհանուր սակագնով:
Դոնալդ Թրամփը ապրիլի 2-ը հռչակեց Ամերիկայի «Ազատագրման օր» և մոտ 60 երկրից ներմուծվող ապրանքների համար 10 տոկոսից մինչև 50 տոկոս մաքսատուրք սահմանեց՝ փաստացի աշխարհին առևտրային պատերազմ հայտարարելով:
