«Եթե Իրանի դեմ ուժի կիրառման վտանգ ծագի կամ էլ շարունակեն հնչել ուժի կիրառման սպառնալիքներ, Թեհրանը կարող է արտաքսել Ատոմային էներգիայի միջազգային գործակալության (ԱԷՄԳ) տեսուչներին կամ էլ հարստացված ուրանը տեղափոխել միջազգային հանրությանը անհայտ մի վայր», - այսօր X-ի իր օգտահաշվում գրել է Իսլամական հանրապետության գերագույն հոգևոր առաջնորդ այաթոլա Ալի Խամենեիի խորհրդական Ալի Շամխանին։
Ծովակալ Շամխանին Իրանի ղեկավարության ամենաազդեցիկ ներկայացուցիչներից մեկն է, նախկինում նա զբաղեցրել է Անվտանգության խորհրդի քարտուղարի պաշտոնը։
