Ի պատասխան Ռուսաստանի դեմ Տոկիոյի սահմանած պատժամիջոցների՝ Մոսկվան արգելել է Ճապոնիայի արտգործնախարար Տակեշի Իվայայի մուտքը երկիր։
Ըստ Ռուսաստանի արտգործնախարարության՝ արգելվել է նաև Ուկրաինայում Ճապոնիայի ներկա և նախկին դեսպանների և ճապոնական մի շարք ընկերությունների նախագահների մուտքը Ռուսաստան։
Ուկրաինա Ռուսաստանի ներխուժումից ի վեր Ճապոնիան, այլ երկրների հետ միասին պատժամիջոցներ է կիրառում Ռուսաստանի դեմ: Ճապոնիայի իշխանությունները նաև արգելել են Ռուսաստան անօդաչու թռչող սարքերի, պողպատի և ալյումինի, էլեկտրական և օպտիկական սարքավորումների արտահանումը:
Հունվարի 10-ին Ճապոնիայի արտաքին գործերի նախարարությունը հայտարարեց Ռուսաստանի դեմ նոր պատժամիջոցների մասին։
