Ուկրաինայի ԶՈւ-ի գլխավոր շտաբը հայտնել է Ղրիմում ռուսական հակաօդային պաշտպանության համակարգերի խոցման մասին։
Ըստ ուկրաինացի զինվորականների՝ հունիսի 12-ի գիշերը հրթիռային հարվածներ են հասցվել Բելբեկի մերձակայքում գտնվող С-300 հրթիռային դիվիզիային և Բելբեկի ու Սևաստոպոլի մերձակայքում գտնվող С-400 համալիրի երկու դիվիզիոններին, ինչի հետևանքով, ինչպես պնդում են, առնվազն երկու ռադար է ոչնչացվել։
ՌԴ պաշտպանության նախարարությունը չի մեկնաբանել հաղորդագրությունները։
Ավելի վաղ տեղի բնակիչները հայտնել էին պայթյունների ձայների մասին, իսկ բռնակցված Ղրիմի իշխանությունները հայտարարել էին, որ հրթիռային հարձակում է կանխվել։
Վերջին շրջանում ռուսական հակաօդային պաշտպանության համակարգերը հաճախ են Ղրիմում ուկրաինական ԶՈւ-ի կողմից հրթիռակոծության թիրախ դառնում, պարբերաբար հարվածներ են հասցվում նաև Սևծովյան նավատորմի նավերին՝ հիմնականում ռազմածովային անօդաչու սարքերի միջոցով։
