Վաղը՝ հունիսի 11-ին, Երևանում տեղի կունենա Հայաստան-Միացյալ Նահանգներ ռազմավարական երկխոսության ամփոփիչ նիստը:
Նիստի շրջանակներում ԱԳՆ-ում կկայանա արտգործնախաար Արարատ Միրզոյանի և ԱՄՆ Եվրոպայի և Եվրասիայի հարցերով փոխպետքարտուղար Ջեյմս Օ՛Բրայենի հանդիպումը, որին կհաջորդի երկխոսության՝ երկու երկրների պատվիրակությունների մասնակցությամբ ընդլայնված կազմով անցկացումը:
Օ'Բրայենը Երևանում հանդիպելու է կառավարության բարձրաստիճան պաշտոնյաների հետ՝ քննարկելու Նահանգների աջակցությունը Հայաստանի և Ադրբեջանի միջև խաղաղության համաձայնագրի ճանապարհի առաջընթացին, ներառյալ՝ Ալմա-Աթայի հռչակագիրը որպես սահմանազատման հիմք օգտագործելը:
