Հայաստանի և Ֆրանսիայի արտգործնախարարներն այսօր հեռախոսազրույց են ունեցել՝ քննարկելով տարածաշրջանային հարցեր, հայտնում են ԱԳՆ-ից։
Արարատ Միրզոյանը և Ժան-Նոել Բարոն պայմանավորվել են շարունակել Հայաստանի և Ֆրանսիայի միջև բոլոր ուղղություններով գործընկերության խորացմանը միտված ջանքերը։
Նախորդ շաբաթ երկու երկրների առաջնորդներն էին հանդիպել Հունգարիայում, քննարկել Հայաստան-Ադրբեջան հարաբերությունների կարգավորման ընթացքը։
Պաշտոնական Փարիզը բազմիցս հայտարարել է իր անվերապահ աջակցությունը Երևանին։
Երևանն էլ հայտարարել է՝ կարևորում է բարեկամ Ֆրանսիայի մշտական աջակցությունը։
Ֆրանսիան հանձնառու է նպաստելու երկու երկրների միջև առևտրատնտեսական համագործակցության հետևողական զարգացմանը, ավելի վաղ ասել էր Ֆրանսիայի վարչապետ Միշել Բարնիեն։
