Ազատության հրապարակում արդեն երկրորդ օրը հացադուլում գտնվող «Ապրելու երկիր» կուսակցության նախագահ Մանե Թանդիլյանի ինքնազգացողությունը վատացել է։
Թանդիլյանի կուսակից ընկեր Վարդան Ավագյանն «Ազատության»-ը փոխանցեց, որ շտապօգնություն է եկել, ճնշման տատանում է արձանագրել և առաջարկել դադարեցնել հացադուլը։
Թանդիլյանը մարտի 1-ին հացադուլ սկսեց՝ որպես խնդրանք Արցախի նախկին պետնախարար Ռուբեն Վարդանյանին՝ «դադարեցնելու իր կյանքի համար անդառնալի սպառնալիք հանդիսացող հացադուլը»։
Իր նկատմամբ ապօրինությունների դեմ բողոքող Վարդանյանը փետրվարի 18-ին Բավքի բանտում հացադուլ հայտարարեց: Նրա ամերիկացի փաստաբանը հայտարարում է, որ «քաղբանտարկյալ Ռուբեն Վարդանյանի առողջությունը վտանգված է Ադրբեջանում»:
