Գերմանիայի նախագահ Ֆրանկ-Վալտեր Շտայնմայերը թերահավատությամբ է արտահայտվել ԱՄՆ նախագահ Թրամփի՝ պաղեստինցիներին Գազայից այլ երկրներ վերաբնակեցնելու առաջարկի մասին։ Այդ մասին նա խոսել է հորդանանյան այցի ժամանակ:
«Ես միայն այստեղ՝ տարածաշրջանում եմ լսում մտահոգություններ այդ մասին»,-ասել է նա Հորդանանի թագավոր Աբդալլահ Երկրորդի հետ հանդիպման ժամանակ։
Շտայնմայերը շեշտել է՝ փորձում է զգուշորեն ընտրել բառերը, քանի որ տարածաշրջանը կարիք ունի կայուն, երկարատև լուծման:
Դոնալդ Թրամփի առաջարկով՝ տեղահանված պաղեստինցիները կհեռանան Գազայի հատվածից, ինչը թույլ կտա ԱՄՆ-ին վերցնել առափնյա տարածքի վերահսկողությունը և այն տնտեսական առումով զարգացնել՝ դարձնելով «զարմանալի» վայր, որտեղ տարբեր ազգությունների մարդիկ կարող են խաղաղ ապրել։ Թրամփը նշել է, որ դա տեղի կունենա այն բանից հետո, երբ պաղեստինցիները վերաբնակեցվեն այլ երկրներում։
