Ֆրանսիան քաջալերում է Ադրբեջանին ստորագրել խաղաղության պայմանագիրը Հայաստանի հետ, Երևանում հայտարարեց Ֆրանսիայի արտգործնախարար Ժան-Նոել Բարոն:
«Մենք աջակցել ենք հայկական իշխանությունների ջանքերը՝ հասնելու Ադրբեջանի հետ պատշաճ համաձայնագրին, և երբ երկու կողմերից քաղաքական համաձայնության հասան, մենք ողջունել ենք և քաջալերում ենք Ադրբեջանին ստորագրել այս համաձայնագիրը, որպեսզի այս տարածաշրջանում, որը շատ կարևոր է, շատ կարևոր է, որ այդ համաձայնագիրը ստորագրվի», - ասաց նա՝ պատասխանելով «Ազատության» հարցին»:
Հետաքրքրվել էինք, թե ի՞նչ է անում Արևմուտքը և մասնավորապես Ֆրանսիան, որպեսզի բացառի հնարավոր նոր էսկալացիան տարածաշրջանում: ԱՄՆ պետքարտուղար Մարկո Ռուբիոն նախորդ շաբաթ հայտարարել էր, որ Միացյալ Նահանգները հայ-ադրբեջանական հակամարտության լուրջ վտանգ է տեսնում և ակտիվ ներգրավված է կանխելու ռազմական բախումը:
Ֆրանսիայի արտգործնախարարը հավելեց, որ երբ մի քանի շաբաթ առաջ կրկին լարվածություն կար, իրենք զսպավածության կոչ էին արել. «Փարիզը ցանկանում է, որ քաղաքական համաձայնության կարողանան գալ, ու պայմանագիրն ստորագրվի»:
