Սլովակիայի վարչապետ, իշխող «Սմեր» կուսակցության նախագահ Ռոբերտ Ֆիցոն խոստացել է կանխել Ուկրաինայի անդամակցությունը ՆԱՏՕ-ին, քանի դեռ ինքը մնում է երկրի կառավարության ղեկին:
«Քանի դեռ ես ղեկավարում եմ Սլովակիայի կառավարությունը, ես կուղղորդեմ այն պատգամավորներին, որոնք իմ վերահսկողության տակ են՝ որպես իշխող կուսակցության նախագահ, երբեք չհամաձայնել Ուկրաինայի՝ ՆԱՏՕ-ի անդամակցությանը», - ըստ Politico-ի, հայտարարել է վարչապետը՝ հավելելով, որ Ուկրաինայի մուտքը ՆԱՏՕ կնշանակի Երրորդ համաշխարհային պատերազմի սկիզբ։
Ֆիկոյի հայտարարությունը հնչում է ՆԱՏՕ-ի նոր գլխավոր քարտուղար Մարկ Ռյուտեի հայտարարության ֆոնին։ Նա հինգշաբթի օրն ասել է, որ «Ուկրաինան ավելի մոտ է ՆԱՏՕ-ին, քան երբևէ, և կգնա այդ ճանապարհով, մինչև դառնա դաշինքի անդամ»:
ՆԱՏՕ-ի 1949 թվականի հիմնադիր պայմանագրի համաձայն՝ ընդլայնման մասին որոշումներն ընդունվում են «միաձայն համաձայնությամբ», ինչը նշանակում է, որ Ֆիկոյի ընդդիմությունը կարող է արգելափակել Ուկրաինայի՝ անդամակցությունը ՆԱՏՕ-ին առնվազն մինչև Սլովակիայի ղեկավարի ներկայիս իշխանության ժամկետի ավարտը՝ 2027 թվականը:
Նմանատիպ իրավիճակ եղավ 2022 թվականի փետրվարին Ուկրաինա Ռուսաստանի ներխուժումից հետո, երբ Շվեդիան և Ֆինլանդիան դիմեցին ՆԱՏՕ-ին միանալու համար, սակայն Թուրքիան և Հունգարիան վետո կիրառեցին։
