Եվրոպական մի շարք երկրների արտգործնախարարներ Ռուսաստանին մեղադրել են Ուկրաինայում հրադադարի շուրջ բանակցությունները խափանելու մեջ և կոչ են արել ճնշում գործադրել Մոսկվայի վրա։
Ֆրանսիայի դիվանագիտության ղեկավար Ժան-Նոել Բարոի խոսքով՝ Մոսկվան «պետք է պատասխան տա Միացյալ Նահանգներին», որը «քիչ ջանք չէ գործադրել»՝ միջնորդելով և առաջարկելով հրադադարի համաձայնագիր։
Մեծ Բրիտանիայի արտգործնախարար Դեյվիդ Լամին հայտարարել է, որ Ռուսաստանի նախագահ Վլադիմիր Պուտինը «շարունակում է ժամանակ ձգել»։
«Նա կարող էր համաձայնել հրադադարի, սակայն շարունակում է ռմբակոծել Ուկրաինան, նրա խաղաղ բնակչությանը, էներգետիկ պաշարները», - ասել է Լամմին։
Գերմանիայի արտաքին գործերի նախարար Անալենա Բերբոքն իր հերթին պնդել է, որ Պուտինի խոսակցությունները բանակցությունների մասին «ոչ այլ ինչ են, քան դատարկ խոստումներ»:
