Անվտանգության խորհրդի քարտուղարը հայտարարում է՝ պաշտոնական Երևանը սպասում է Ադրբեջանի հասարակական կազմակերպությունների ներկայացուցիչների այցին Հայաստան:
«Հրապարակային ասում եմ՝ մենք սպասում ենք իրենց այցին, մենք շատ ուրախ կլինենք, որ այդ այցը տեղի ունենա, պատրաստ ենք շատ լավ ընդունել իրենց», - ասաց Ալեն Սիմոնյանը՝ հավելելով, որ այցը չեղարկվել էր, որովհետև ընդհանուր լարվածություն կար:
Երկու օր առաջ Երևանի մամուլի ակումբի պատվավոր նախագահ Բորիս Նավասարդյանը «Ազատությանը» փոխանցեց, որ ադրբեջանական կողմը որոշել է հետաձգել հայ և ադրբեջանցի փորձագետների՝ «Խաղաղության կամուրջ» նախաձեռնության շրջանակում այս օրերին Երևանում նախատեսված քննարկումները՝ «մինչև լարվածությունը թուլանա»:
Հայ և ադրբեջանցի փորձագետներն արդեն մի քանի փոխադարձ հանդիպումներ են ունեցել. այս տարի վերջին անգամ ադրբեջանցի փորձագետները Երևան էին ժամանել մայիսին՝ «Երևանյան երկխոսություն -2026» միջազգային համաժողովին մասնակցելու նպատակով:
