Բիշքեկում ընթացող Թյուրքական պետությունների կազմակերպության (OTS) գագաթնաժողովի շրջանակում տեղի է ունեցել Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի հանդիպումը, հայտնում է ադրբեջանական APA գործակալությունը:
Նրանք անդրադարձել են Ադրբեջանում կայանալիք COP29-ին, մի շարք ոլորտներում հարաբերությունների հետագա զարգացմանը:
Նոյեմբերի 6-ին Ղրղզստանի մայրաքաղաքում մեկնարկել է Թյուրքական պետությունների կազմակերպության 11-րդ գագաթնաժողովը։ Գագաթնաժողովի հիմնական թեման է՝ «Թյուրքական աշխարհի ուժեղացում՝ տնտեսական ինտեգրացիա, կայուն զարգացում, թվային ապագա և անվտանգություն բոլորի համար»։
Գագաթնաժողովին մասնակցում են կազմակերպության անդամ երկրների ղեկավարները, ինչպես նաև դիտորդ երկրների ներկայացուցիչներ։
