ԵՄ դիտորդական առաքելությունը հայտարարում է՝ կշարունակի հավատարիմ մնալ տարածաշրջանում խաղաղությանը, կայունությանը։
«ԵՄ դիտորդական առաքելության նոր մանդատի առաջին օրը հպարտությամբ հաստատում ենք, որ ԵՄ դիտորդական առաքելությունը կշարունակի հավատարիմ մնալ տարածաշրջանում խաղաղությանը, կայունությանը և կշարունակի պարեկությունը հայ-ադրբեջանական սահմանի հայկական կողմում», - ասված է առաքելության X-ի էջում։
Եվրամիության երկրների դեսպանները հունվարի 29-ին Բրյուսելում հավանություն տվեցին Հայաստանում ԵՄ քաղաքացիական առաքելության մասին որոշմանը, որով եվրոպացի դիտորդները կմնան Հայաստանի սահմանամերձ շրջաններում ևս երկու տարի ՝ մինչև 2027 թվականի փետրվարի 19-ը։
Դիտորդների կազմն ու թվաքանակը, ըստ որոշման նախագծի, կմնա անփոփոխ՝ 165 միջազգային ու 44 հայաստանցի աշխատող:
ԵՄ 100 դիտորդներ Հայաստան էին ժամանել 2 տարի առաջ՝ 2023-ի փետրվարի 20-ին։ Առաքելության այդ ժամկետն այսօր լրանում էր։
