Եվրոպական միության առաջնորդները ցանկանում են առաջ մղել սոցիալական մեդիահարթակների համար նվազագույն տարիքային շեմի սահմանումը՝ օրինակ` TikTok-ի և Instagram-ի համար։
Բրյուսելում կայացած ԵՄ գագաթնաժողովից հետո ընդունված եզրակացությունների համաձայն՝ սոցիալական մեդիայի հասանելիության համար թվային նվազագույն տարիք սահմանելը կարևոր է անչափահասների պաշտպանությունը ապահովելու համար։
ԵՄ երկրները նաև վերահաստատել են, որ պետք է արգելվեն արհեստական բանականության այն համակարգերը, որոնք թույլ են տալիս ստեղծել առանց համաձայնության ինտիմ պատկերներ կամ երեխաների սեռական շահագործման նյութեր։
Իլոն Մասկի սոցիալական հարթակը՝ X-ը, քննադատության էր ենթարկվել 2025 թվականի վերջում այն բանից հետո, երբ օգտատերերը կարողացել էին Grok AI չաթբոթին հրահանգել սեքսուալացնել հրապարակված պատկերները: Օգտատերերը, օրինակ, հանձնարարել էին արհեստական բանականությանը փոփոխել լուսանկարները՝ կանանց պատկերելով բիկինիով։
