ԵՄ առաջնորդները, նախօրեին Բրյուսելում կայացած գագաթնաժողովում, հավանություն են տվել ռազմական ծախսերը կտրուկ ավելացնելու ծրագրերին և հաստատել աջակցությունն Ուկրաինային։
«Եվրոպան պետք է դառնա ավելի ինքնուրույն, ավելի պատասխանատու իր պաշտպանության համար և ավելի լավ պատրաստված՝ դիմակայելու մարտահրավերներն ու սպառնալիքները», - ասված է խորհրդի եզրակացությունում։
ԵՄ առաջնորդները նաև աջակցություն են հայտնել Եվրոպական հանձնաժողովի նախագահ Ուրսուլա ֆոն դեր Լայենի ներկայացված REARM Europe ծրագրին, որը պաշտպանական կարիքների համար նախատեսում է մինչև 800 միլիարդ եվրոյի հատկացում։
Ընդգծելով «պաշտպանության ծախսերի զգալի ավելացման» անհրաժեշտությունը՝ ԵՄ-ն փաստաթղթում կոչ է արվում ամրապնդել ռազմական կարողությունները՝ «Ռուսաստանի և Բելառուսի հավանական սպառնալիքների» դեպքում:
Հունաստանի վարչապետ Կիրիակոս Միցոտակիսը հայտարարել է, որ «հիմա պետք է մանրամասները մշակել»: Սա ենթադրում է, որ չնայած եվրոպացի պաշտոնյաների լավատեսական հռետորաբանությանը, մանրամասների մեծ մասը դեռևս մշակված չէ, և նախագծի գործարկման շուրջ հնարավոր է դեռ հարցեր առաջանան։
ԵՄ 26 առաջնորդներ հաստատել են նաև Ուկրաինայի վերաբերյալ եզրակացությունը, որը, ըստ "Европейской правды"-ի զրուցակցի, կհրապարակվի հայտարարության տեքստի ձևաչափով՝ կցված Եվրոպական խորհրդի եզրակացություններին։ Հունգարիան հրաժարվել է ստորագրել փաստաթուղթը։
Նիստին մասնակցել է նաև Ուկրաինայի նախագահ Վլադիմիր Զելենսկին։ Նա ընդգծել է, որ Ուկրաինայի անվտանգությանն առնչվող ցանկացած հարց պետք է լուծվի Կիևի մասնակցությամբ, ինչպես և ԵՄ անվտանգության հետ կապված ցանկացած խնդիր։
