Դնեպրում ավտոմեքենայի պայթյունի հետևանքով ուկրաինացի պաշտոնյա է զոհվել, հայտնում է «Ազատության» ուկրաինական ծառայությունը՝ վկայակոչելով երկրի Ազգային ոստիկանության հաղորդագրությունը։ Գերատեսչությունը հաղորդել է, որ քրեական գործ է հարուցվել ահաբեկչության հոդվածով:
«Օպերատիվ խորհրդակցության ընթացքում առանձնացվել է երեք հիմնական վարկած՝ հանցագործություն ռուսաստանյան հատուկ ծառայությունների պատվերով, թշնամական հարաբերություններ տուժողի և պոտենցիալ հանցագործի միջև, տուժողի մասնագիտական գործունեությունը», - հայտարարել է Ուկրաինայի իրավապահ կառույցը:
Մահացած պաշտոնյայի անունը պաշտոնապես չի հաղորդվում։ Ուկրաինական լրատվամիջոցների տեղեկություններով՝ խոսքը Լևոբերեժնիի քաղաքային վարչակազմի ղեկավար Յուրի Ֆեդկոյի մասին է:
