Ուկրաինայի զինված ուժերի ցամաքային զորքերի հրամանատար Միխայլո Դրապատին հայտնել է, որ Դնեպրոպետրովսկի մարզի Չերկասկի շրջանում գտնվող ռազմական ուսումնավարժական բազայի վրա մարտի 1-ին ռուսական հրթիռային հարվածի հետևանքով ուկրաինացի զինծառայողներ են զոհվել։
Ռուսաստանի պաշտպանության նախարարությունը տեսանյութ էր տարածել, որտեղ «Իսկանդեր-Մ» բալիստիկ հրթիռով հարվածել էր Դնեպրոպետրովսկի մարզի զորավարժարանի վրա՝ պատճառելով տասնյակ զոհեր ու վիրավորներ։
«Յուրաքանչյուրն, ով այդ օրը որոշումներ է կայացրել, ու ովքեր ժամանակին չեն ընդունել դրանք, բոլորը պատասխանատվության կենթարկվեն: Մենք ականատես ենք լինում ժամանակավրեպ որոշումների։ Նրանք, ովքեր վտանգել են զինծառայողների կյանքը և անտեսել են անվտանգությունը, պատասխանատվության կենթարկվեն»,-ասել է Ուկրաինայի ցամաքային զորքերի հրամանատարը։
