ԱՄՆ ներկայիս նախագահ Ջո Բայդենը նույնպես զանգահարել է հանրապետական Դոնալդ Թրամփին։ Նա մտադիր է շուտով Սպիտակ տանը հյուրընկալել Թրամփին ու քննարկել իշխանության փոխանցման հարցը։
NBC-ի հաղորդմամբ՝ Բայդենը նույնպես մասնակցելու է նոր նախագահի երդմնակալությանը։
Հինգշաբթի օրը Բայդենը ժողովրդին կդիմի ընտրությունների արդյունքների և իշխանության անցման մեկնարկի վերաբերյալ, հայտնել է Սպիտակ տան մամուլի ծառայությունը։
ԱՄՆ փոխնախագահ, դեմոկրատ Քամալա Հարիսը ևս զանգահարել է Դոնալդ Թրամփին՝ շնորհավորելու նախագահական ընտրություններում տարած հաղթանակի կապակցությամբ, ասել են Հարիսի երկու օգնականները:
