Նախագահ Ջո Բայդենը ուրբաթ օրը ասել է, որ մտադիր է հաղթել հանրապետական մրցակից Դոնալդ Թրամփին նոյեմբերին կայանալիք նախագահական ընտրություններում, հայտնում է Reuters-ը:
«Ես գիտեմ, որ ես երիտասարդ մարդ չեմ, որպեսզի ասեմ ակնհայտը», - ասել է Բայդենը հանրահավաքում իր հանրապետական մրցակցի հետ բանավեճից մեկ օր անց:
«Ես նախկինի պես հեշտ չեմ քայլում, նախկինի պես սահուն չեմ խոսում, նախկինի պես լավ չեմ բանավիճում», - նշել է նա, երբ ամբոխը վանկարկում էր՝ «ևս չորս տարի»։
«Ես այլևս չէի առաջադրվի, եթե ամբողջ սրտով և հոգով չհավատայի, որ կարող եմ անել այս աշխատանքը: Խաղադրույքները չափազանց մեծ են», - ասել է Բայդենը:
Դոնալդ Թրամփի հետ բանավեճի ընթացքում ԱՄՆ նախագահ Ջո Բայդենի կծկված, տատանվող ձայնը, ընդհատվող խոսքը ծանր տպավորություն են թողել նույնիսկ նրա կուսակիցների և աջակիցների վրա։
Բանավեճերը համարվում էին Սպիտակ տան ղեկավարի ուժեղ կողմը, այժմ նույնիսկ դեմոկրատների ամենահավատարիմ մեկնաբանները, ինչպես նաև իրենք՝ կուսակցության անդամները խոսում են նոյեմբերին կայանալիք նախագահական ընտրություններում Բայդենին փոխարինող թեկնածու գտնելու անհրաժեշտության մասին։
