Միացյալ Նահանգների նախագահ Ջո Բայդենը և Մեծ Բրիտանիայի վարչապետ Քիր Սթարմերն այսօր կհանդիպեն Վաշինգտոնում։
Հանդիպումը տեղի է ունենում Ռուսաստանին հարվածելու համար ԱՄՆ-ի և Մեծ Բրիտանիայի կողմից տրամադրված հեռահար զենքի օգտագործման սահմանափակումները թուլացնելու Ուկրաինայի խնդրանքի ֆոնին։
Սպիտակ տունն ավելի վաղ հայտնել էր, որ «ուղիներ է փնտրում» այս հարցի շուրջ։
ԱՄՆ պետքարտուղար Էնթոնի Բլինքենի և Միացյալ Թագավորության արտաքին գործերի նախարար Դեյվիդ Լամիի այս շաբաթ Կիև կատարած այցի ընթացքում Ուկրաինայի նախագահ Վլադիմիր Զելենսկին հերթական անգամ վերահաստատել է Կիևի խնդրանքը։
Բլինքենն ու Լամին երեկ Ուկրաինայի մայրաքաղաքում այդպես էլ չհրապարակեցին իրենց դիրքորոշումն այդ հարցում՝ խոստանալով Կիևի խնդրանքը հասցնել Վաշինգտոն։
