Ադրբեջանի արտգործնախարարությունը կտրականապես հերքել է Ֆրանսիայի արտգործնախարարի երեկվա հայտարարությունը, թե Բաքուն նոր նախապայմաններ է առաջադրում Հայաստանի հետ խաղաղության համաձայնագիրը ստորագրելու համար։
Այխան Հաջիզադեն պնդել է, թե Հայաստանի Սահմանադրությունը փոխելու պահանջը նոր չէ, այն քննարկվել է ավելի քան երկու տարի, և դրա լեգիտիմությունը կասկածի տակ դնելն անընդունդելի է։
«Եթե Ֆրանսիան իսկապես աջակցում է խաղաղության համաձայնագրի շուտափույթ կնքմանը, ինչպես որ հայտարարում է, ապա պետք է կոչ անի Հայաստանին համապատասխան քայլեր ձեռնարկել այդ ուղղությամբ», - ասել է Ադրբեջանի արտգործնախարարության խոսնակը։
Պաշտոնական Երևանը պնդում է, որ Բաքվի հետ բանակցություններում Հայաստանի Սահմանադրության փոփոխության հարց չկա։
