Ավստրիայի խորհրդարանին չհաջողվեց իշխող կոալիցիա ձևավորել։ Նոյեմբերից շարունակվող բանակցությունները փակուղի են մտել։ Երեկ NEOS Լիբերալ կուսակցության ներկայացուցիչները հայտարարեցին, որ լքում են բանակցությունները՝ կենսաթոշակային բարեփոխումների, հարկային քաղաքականության շուրջ տարաձայնությունների պատճառով։
Ի սկզբանե հույս կար, NEOS-ը, ինչպես նաև երկու կենտրոնամետ կուսակցությունները՝ Ժողովրդական կուսակցությունը և Սոցիալ-դեմոկրատական կուսակցությունը կձևավորեն խորհրդարանական մեծամասնություն, որը կարող է արդյունավետորեն հակազդել աջ պոպուլիստական Ազատության կուսակցությանը․ վերջինը սեպտեմբերին կայացած ընտրություններում մեծամասնություն էր ստացել։ Աջակողմյան այդ կուսակցությունը հանդես է գալիս միգրացիոն քաղաքականության խստացման և պատերազմող Ուկրաինային եվրոպական աջակցությունը նվազեցնելու օգտին:
Քաղաքագետների կարծիքով՝ այժմ իրադարձությունները կարող են զարգանալ երկու ճանապարհով: Առաջին՝ կենտրոնամետ կուսակցությունները կարող են փորձել երկկուսակցական կոալիցիա կազմել․ երկու կուսակցությունները միասին ունեն 92 մանդատ 183-տեղանոց խորհրդարանում։ Մյուս տարբերակը նոր ընտրություններ նշանակելն է։
