Աշխարհի տասնյակ երկրների առաջնորդներ, այդ թվում՝ Հայաստանի վարչապետ Նիկոլ Փաշինյանը ուղևորվում են Չինաստան՝ Շանհայի համագործակցության կազմակերպության գագաթնաժողովին։
Կառույցին այժմ անդամակցում է 10 պետություն։ Հիմնադիրներից՝ Ռուսաստանից, Չինաստանից, Կենտրոնական Ասիայի երկրներից բացի, կազմակերպության անդամ են նաև Հնդկաստանը, Պակիստանը, Իրանը և Բելառուսը:
Այս տարվա ամռանը Հայաստանը նույնպես անդամակցության հայտ ներկայացրեց։ Նման ցանկություն է հայտնել նաև Ադրբեջանի առաջնորդը, որն արդեն ժամանել է Պեկին։
Առաջիկա չորս օրերին նախատեսված գագաթնաժողովը կլինի ամենամեծը ՇՀԿ-ի ավելի քան 20 տարվա պատմության ընթացքում։
