«Իրանի իշխանությունները դեռ ուսումնասիրում են Միացյալ Նահանգների նախագահ Դոնալդ Թրամփի նամակը», - այսօր հայտարարել է իսլամական հանրապետության ԱԳ նախարար Աբաս Արաղչին։
Նրա խոսքով՝ իրանական կողմը կդիտարկի Թրամփի նամակում առկա «թե՛ հնարավորությունները և թե՛ սպառնալիքները»։
«Թրամփի ուղերձն իրականում, առավելապես սպառնալիքի տարրեր ունի, սակայն դրանում նաև հնարավորություններ ստեղծելու պնդումներ կան։ Մենք այժմ համակողմանիորեն ուսումնասիրում ենք այս նամակը և կպատասխանենք դրանում տեղ գտած բոլոր դրույթներին», - նշել է Իրանի ԱԳ նախարարը։
Ավելի վաղ Axios կայքը տեղեկացրել էր, որ Թրամփը Իրանի գերագույն հոգևոր առաջնորդ Ալի Խամենեիին ուղղված նամակում Թեհրանին երկու ամիս ժամանակ է տվել՝ միջուկային նոր համաձայնագրի կնքման համար։
