Amnesty International իրավապաշտպան կազմակերպությունը կոչ է արել հետաքննել մոտ չորս շաբաթ առաջ Իրանի հայտնի Էվին բանտի վրա Իսրայելի կողմից իրականացված հարձակումը՝ այն անվանելով հնարավոր պատերազմական հանցագործություն։
Իրանի դեմ վերջին 12-օրյա պատերազմի ժամանակ Իսրայելի ռազմաօդային ուժերը ռմբակոծել էին Թեհրանի կալանավայրի մի քանի շրջաններ։ Իսրայելը հարձակումը բնութագրել է որպես խորհրդանշական հարված Իրանի կառավարությանը։
Իրանի դատական համակարգը հաղորդել էր, որ ռմբակոծության հետևանքով զոհվել է առնվազն 71 մարդ։ 27 կալանավոր փախուստի է դիմել, նրանք, ըստ պաշտոնյաների, դեռ ազատության մեջ են։
