ԱՄՆ պետդեպարտամենտը հավանություն է տվել Ուկրաինայում գտնվող F-16 կործանիչների ուսուցման և սարքավորումների տրամադրման պայմանագրին:
Պետդեպարտամենտը Կոնգրեսին տեղեկացրել է, որ հավանություն է տվել Ուկրաինային 310,5 միլիոն դոլար արժողությամբ վաճառքին, որը կներառի ինքնաթիռների տեխնիկական սպասարկման ծառայությունները՝ ի լրումն վերապատրաստման և սարքավորումների:
«Առաջարկվող գործարքը կբարելավի Ուկրաինայի կարողությունը՝ դիմակայելու ընթացիկ և ապագա սպառնալիքներին՝ ապահովելով նրա օդաչուների արդյունավետ պատրաստվածությունը և բարձրացնելով նրա օպերատիվ համատեղելիությունը Միացյալ Նահանգների հետ»,- ասվում է Պետդեպարտամենտի հայտարարության մեջ:
Ուկրաինան ստացել էր F-16 կործանիչներ ԱՄՆ դաշնակիցներից՝ նախկին նախագահ Ջո Բայդենի վարչակազմի կողմից թույլատրված փոխանցման շրջանակում։ Երկու տարվա ջանքերից հետո Ուկրաինան իր առաջին F-16-երը ստացել է 2024 թվականի կեսերին։
Ուկրաինայի նախագահ Վլադիմիր Զելենսկին այս տարի ավելի վաղ հայտարարել էր նոր խմբաքանակի մատակարարման մասին, սակայն չի հայտնել, թե քանիսն են մատակարարվել:
