Ադրբեջանի և Թուրքիայի նախագահներն այսօր Անթալիայում կայացած երկկողմ հանդիպման ընթացքում քննարկել են նաև Հարավային Կովկասում տիրող իրավիճակը, այս մասին հայտնում է Ադրբեջանի նախագահի աշխատակազմը։ Մանրամասներ չեն հաղորդվում։
Հաղորդագրությունում նաև նշված է, որ Իլհամ Ալիևն ու Ռեջեփ Էրդողանը «գոհունակություն են հայտնել Ադրբեջանի և Թուրքիայի միջև բոլոր ոլորտներում եղբայրական և դաշնակցային հարաբերությունների հաջող զարգացման կապակցությամբ»։
Սա վերջին մեկուկես ամսվա ընթացքում Էրդողանի ու Ալիևի արդեն երկրորդ հանդիպումն է։
Ադրբեջանի առաջնորդը Թուրքիա է ժամանել երեկ՝ մասնակցելու Անթալիայի միջազգային դիվանագիտական համաժողովին։
