Հեռախոսազրույց է կայացել Թուրքիայի և Ադրբեջանի նախագահներ Ռեջեփ Էրդողանի և Իլհամ Ալիևի միջև։ Ադրբեջանական կողմի հաղորդագրության համաձայն՝ առաջնորդները քննարկել են «դաշնակցային և եղբայրական հարաբերությունների վրա հիմնված» թուրք-ադրբեջանական հեռանկարները, առաջիկայում նոր հանդիպման հույս հայտնել։
Ադրբեջանի նախագահականը զրույցի մասին այլ մանրամասներ չի հաղորդել։
Թուրքիայի նախագահի աշխատակազմը X-ում հրապարակած հաղորդագրությունում նշում է, որ Ռեջեփ Էրդողանը ադրբեջանցի պաշտոնակցի հետ քննարկել է տարածաշրջանային և գլոբալ հարցեր։
«Նախագահ Էրդողանը հայտարարել է, որ Թուրքիան և Ադրբեջանը կշարունակեն ամրապնդել համագործակցությունը «մեկ ազգ՝ երկու պետություն» ոգով», - ասված է հաղոդրագրությունում։
