Ալիևն աշխատանքային այցով Դավոսում է

Ադրբեջանի նախագահ Իլհամ Ալիևն աշխատանքային այցով Դավոսում է՝ մասնակցելու հունվարի 20-ից 24-ը կայանալիք Համաշխարհային տնտեսական ֆորումին։

Ալիևն արդեն մի շարք երկկողմ հանդիպումներ է ունեցել, այդ թվում՝ Իսրայելի նախագահ Իցհակ Հերցոգի, Գերմանիայի կանցլեր Օլաֆ Շոլցի հետ։ Հանդիպումների մասին Ադրբեջանի նախագահն X-ում գրառումներ է կատարել։

Ավելի վաղ հաղորդվել էր, որ Դավոսի տնտեսական ֆորումին կմասնակցի նաև Հայաստանի վարչապետ Նիկոլ Փաշինյանը։ Սակայն նրա Դավոս մեկնելու մասին դեռ չի հաղորդվել։

Համաշխարհային տնտեսական ֆորումը (WEF) շվեյցարական ոչ կառավարական կազմակերպություն է։ Այն 1971 թվականից ամենամյա հանդիպումներ է անցկացնում բիզնեսի առաջատար ներկայացուցիչների, քաղաքական առաջնորդների ու տարբեր ոլորտների փորձագետների հետ: Այս տարի այն անցկացվում է «Համագործակցություն խելացի դարաշրջանի համար» խորագրի ներքո։ Ֆորումը կտևի մինչև հունվարի 24-ը։

ԿԱՐԴԱՑԵՔ ՆԱԵՎ

Փաշինյանը կմասնակցի Դավոսի համաշխարհային տնտեսական ֆորումին

Միացիր մեզ Տելեգրամում

Սեղմել այստեղ