Այսօր առավոտյան նոր նորքի թաղապետարանում ծեծված ակտիվիստ Արթուր Չախոյանը հոսպիտալացվել է, գտնվում է «Սուրբ Գրիգոր Լուսավորիչ» ԲԿ ում, այս մասին տեղեկացրեց նրա փաստաբան Վահե Եփրիկյանը:
Նոր Նորք վարչական շրջանի ղեկավարի աշխատակազմում տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 2-րդ մասի 1-ին և 5-րդ կետերի հատկանիշներով (մի խումբ անձանց կողմից ֆիզիկական ներգործությունը), հայտնում է Քննչականի խոսնակ Կիմա Ավդալյանը:
Ոստիկանությունից տեղեկացանք, որ ձերբակալվածների թիվը անփոփոխ է՝ 6 հոգի: Նոր նորքի թաղապետը ձերբակալվածների թվում չէ:
Այս պահին Երևանի քաղաքապետարանում ավագանու գործընկեր անդամների հետ քննարկում է անցկացվում, ասեցին քաղաքապետարանից:
Ակտիվիստ Արթուր Չախոյանին Նոր Նորքի ոստիկանությունից ավելի վաղ շտապօգնության մեքենայով տեղափոխել էին հիվանդանոց: Նրա դեմքին տեսանելի էին վնասվածքները, որ այսօր ստացել էր Նոր Նորքի թաղապետարանում, երբ գնացել էր մասնակցելու հանրային քննարկման:
Նոր Նորք վարչական շրջանի ղեկավար Տիգրան Տեր-Մարգարյանը և մի քանի այլ անձինք հարվածել էին ակտիվիստին: Ինչպես երևում է լրատվամիջոցների հրապարակած տեսանյութում, մինչ քննարկումը վիճաբանություն է սկսվում, Չախոյանի նկատմամբ բռնություն է գործադրվում:
Մանրամասները տե՛ս այստեղ
