«Հնդկաստանի և Ադրբեջանի հարաբերությունները շարունակում են զարգանալ, այդ թվում՝ տնտեսական ոլորտում»,- նախօրեին Բաքվում հայտարարել է Ադրբեջանում Հնդկաստանի դեսպան Սրիդարան Մադհուսուդհանանը։ Այս մասին հայտնում են ադրբեջանական պետական լրատվամիջոցները՝ վկայակոչելով Հնդկաստանի դեսպանության պաշտոնական հաղորդագրությունը:
Դիվանագետը նշել է, որ 2024 թվականին Հնդկաստանի առաջատար գազային և նավթային ընկերությունը՝ ONGC Videsh Limited-ը, լրացուցիչ ներդրումներով ավելացրել է իր մասնաբաժինը ադրբեջանական նավթագազային հանքավայրում՝ Ազերի-Չիրագ-Գյունեշլիում և Բաքու-Թբիլիսի-Ջեյհան խողովակաշարային ընկերությունում։
«Հնդկաստանի և Ադրբեջանի միջև տրանսպորտային կապերի ընդլայնումը ավելի կուժեղացնի մեր առևտրային հարաբերությունները և մարդկանց միջև կապերը»,- համոզմունք է հայտնել Բաքվում Հնդկաստանի դիվանագիտական առաքելության ղեկավարը:
