Սիրիայում բողոքի ակցիաները շարունակվում են` չնայած բարեփոխումների խոստումներին

Չնայած Սիրիայի նախագահ Բաշար ալ-Ասադի` բարեփոխումների վերաբերյալ խոստումներին, այդ երկրում շարունակվում են բողոքի ակցիաները:

Ականատեսների վկայությամբ` Թալբիսե քաղաքից դուրս ընկած հատվածում առնվազն երեք մարդ է գնդակահարվել:

Ցույցեր են անցկացվել Հալեպում, Դերաայում:

Սիրիայի պետական SANA լրատվական գործակալության փոխանցմամբ` մեծ քանակությամբ զենք եւ զինամթերք է առգրավվել Իրաքի հետ սահմանագծին: