Ուկրաինական զինուժը գիշերը հարձակվել է Ռուսաստանի Վորոնեժի մարզի Բորիսոգլեբսկի ռազմական օդանավակայանի վրա, հայտնում են ուկրաինական Supernova+ և Exilenova+ տելեգրամյան ալիքները։
Աղբյուրների տվյալներով՝ հարվածները հասցվել են Tomahawk հրթիռներով։
Վորոնեժի նահանգապետ Ալեքսանդր Գուսևը դեռևս չի հայտնել շրջանի վրա հարձակման հետևանքների մասին: Կեսգիշերից հետո նա մի քանի ահազանգ է հրապարակել անօդաչու թռչող սարքերի սպառնալիքի մասին:
Ռյազանի նահանգապետ Պավել Մալկովը հայտնել է շրջանի վրա անօդաչու թռչող սարքերի զանգվածային հարձակման մասին: «Անվտանգության նկատառումներից ելնելով» դասերը չեղարկվել են Օկտյաբրսկիի և Ռյազանի Սովետսկի շրջանների մի մասի դպրոցներում և մանկապարտեզներում:
Ռյազանում, ինչպես հայտնում է Exilenova+-ը, հղում անելով տեղի բնակիչներին, հրդեհ է բռնկվել, հավանաբար, նավթավերամշակման գործարանում: Սա պաշտոնապես հաստատված չէ:
Ուկրաինայի նախագահ Վլադիմիր Զելենսկին Financial Times-ին տված հարցազրույցում ավելի վաղ հայտարարել էր, որ Ուկրաինայի զինուժը կվերսկսի հարվածները ռուսական նավթավերամշակման գործարաններին՝ ի պատասխան Ռուսաստանի կողմից շարունակվող հարձակումների։
Ռուսական հարվածները
Ռուսական զորքերը գիշերը լայնածավալ հարձակում են գործել Ուկրաինայի Կիրովոգրադի մարզի վրա, ինչի հետևանքով զոհվել է երեք մարդ, հայտնել է շրջանային ռազմական վարչության ղեկավար Անդրեյ Ռայկովիչը։
Նրա խոսքով՝ հարվածի թիրախում են եղել լոգիստիկ կենտրոնները, արդյունաբերական և տրանսպորտային օբյեկտները։ Զոհերը Կրոպիվնիցկի քաղաքի բնակիչներ էին։
Ուկրաինայի արտակարգ իրավիճակների պետական ծառայությունը հայտնում է, որ հարձակումը տևել է 10 ժամ: Վնասվել են նաև բնակելի շենքեր, հարակից տարածքներ և ավտոմեքենաներ: Կիրովոգրադի մարզում հարձակման է ենթարկվել ընդհանուր առմամբ 25 օբյեկտ:
Ռուսական հարձակումից հետո Ռովնոյի մարզի Զդոլբունով քաղաքի մի մասը, ինչպես նաև Դյադկովիչի և Շպակով գյուղերը մնացել են առանց էլեկտրաէներգիայի: Շրջանային ռազմական վարչության ղեկավար Ալեքսանդր Կովալը հայտնել է, որ էլեկտրաէներգիայի անջատումը պայմանավորված է եղել էլեկտրահաղորդման գծի վնասմամբ:
Պոլտավայի մարզում հարված է հասցվել երկու արդյունաբերական ձեռնարկությունների, իսկ Տերնոպոլի մարզում՝ մեկ այլ ձեռնարկության, ինչի հետևանքով հինգ մարդ բժշկական օգնություն է խնդրել հիվանդանոցներում։
Ռուսաստանի պաշտպանության նախարարությունը հայտնել է, որ Իզմայիլ նավահանգստի ենթակառուցվածքների և Օդեսա ուղևորվող երկու չոր բեռնատար նավերի է վնասել:
