Հայաստանի կառավարությունը 238 հազար դոլար՝ 87 միլիոն դրամ կծախսի Հակակոռուպցիոն կոմիտեի հինգերորդ տարեդարձի առթիվ կոմիտեի աշխատակիցներին պարգևատրելու համար։
«Կոմիտեի կազմավորման հինգերորդ տարեդարձը կարևոր հանգրվան է կառույցի ինստիտուցիոնալ կայացման, անցած ժամանակահատվածում իրականացված աշխատանքների և ձեռքբերված արդյունքների արժևորման տեսանկյունից։ Այս համատեքստում կարևորվում է նաև Կոմիտեի ծառայողների և աշխատողների մասնագիտական ներդրման, պատասխանատու աշխատանքի և իրենց վերապահված գործառույթների պատշաճ իրականացման խրախուսումը»,- նշված է որոշման հիմնավորումներում։
87 մլն դրամը կուղղվի կոմիտեի ծառայողների ու աշխատողների պարգևատրմանը, «մասնագիտական ներդրումը գնահատելուն ու հետագա գործունեության խրախուսմանը»։
Գումարը կոմիտեին կհատկացվի կառավարության պահուստային ֆոնդից։
87 մլն դրամ՝ Հակակոռուպցիոն կոմիտեի աշխատակիցներին պարգևատրելու համար
