Ազգային ժողովում այսօր 4 մշտական հանձնաժողովների փոխնախագահներ էին ընտրում:
Աշխատանքի և բարեկեցության հանձնաժողովի փոխնախագահ ընտրվեց «Քաղաքացիական պայմանագրից» Մարիամ Պողոսյանը՝ 5 կողմ, 3 դեմ ձայներով: Կրթության և գիտության հանձնաժողովում էլ փոխնախագահ ընտրվեց ՔՊ-ական Ալխաս Ղազարյանը: Նա ևս ընտրվեց 5 կողմ, 3 դեմ ձայներով:
Տարածաշրջանային և եվրասիական ինտեգրման հարցերի հանձնաժողովի փոխնախագահ ընտրվեց Վանաձորի նախկին քաղաքապետ, ընդդիմադիր «Ուժեղ Հայաստանից» Մամիկոն Ասլանյանը:
Մարդու իրավունքների պաշտպանության հանձնաժողովի փոխնախագահի պաշտոնում էլ ընտրվեց «Ուժեղ Հայաստանից» Մարիաննա Ղահրամանյանը:
Օգոստոսից մեկնարկած առաջին նստաշրջանում խորհրդարանը նախագահ, փոխնախագահներ և հանձնաժողովների նախագահներ էր ընտրել:
12 մշտական հանձնաժողովներից թափուր է մնում միայն Տարածքային կառավարման և շրջակա միջավայրի պահպանության հարցերի հանձնաժողովի նախագահի պաշտոնը: Այստեղ առաջադրման իրավունքը «Ուժեղ Հայաստանինն է», սակայն առաջին նստաշրջանում իշխող ուժը չընտրեց ընդդիմության առաջադրած երկու թեկնածուներին՝ Դավիթ Ղազինյանին և Իրինա Յոլյանին: «Ուժեղ Հայաստանը» երրորդ անգամ առաջադրել է փաստաբան Ռուբեն Մխիթարյանին:
