Այսօր առավոտյան Իրանի արևմուտքում տեղի ունեցած ահաբեկչական հարձակման հետևանքով երկու զինվորական է զոհվել, ևս երեքը վիրավորվել են։ Reuters գործակալության փոխանցմամբ՝ հարձակումը տեղի է ունեցել Քուրդիստան նահանգում գտնվող Սարվաբադ քաղաքում։
Հարձակման թիրախում է եղել Իրանի «Իսլամական հեղափոխության պահապանների կորպուսի» տեղական գրասենյակը։ Հարձակման պատասխանատվությունն առայժմ որևէ մեկը չի ստանձնել։
