5 մագնիտուդ ուժգնությամբ երկրաշարժ է տեղի ունեցել Ստամբուլում, զոհեր չկան, հաղորդվում է 17 տուժածի մասին, որոնք վնասվել են ոչ թե ցնցումների, այլ խուճապի պատճառով։
Երկրաշարժը գրանցվել է Մարմարա ծովում՝ Ստամբուլից հարավ-արևմուտք։ Քաղաքային իշխանությունների տվյալներով՝ ավերածություններ չկան, տեղեկացնում են՝ իրենց աշխատակիցները քաղաքում քննություն կիրականացնեն։
Ստամբուլի քաղաքապետարանը բնակիչներին խնդրում է չմոտենալ կառույցներին, որոնք կարող են վնասված լինել և հետևել պաշտանական հաղորդագրություններին։
Ապրիլին ավելի քան 150 մարդ էր վիրավորվել Ստամբուլում, երբ 5․2 մագնիտուդ ուժգնությամբ երկրաշարժի ժամանակ ցատկել էին շենքերից։
2023-ի փետրվարին երկրի նորագույն պատմության ամենողբերգական 7․8 մագիտուդով երկրաշարժը, որը գրանցվել էր Թուրքիայի հարավում ու Սիրիայի հյուսիսում, ավելի քան 55 հազար մարդու կյանք խլեց, ավելի քան 107 հազարը վիրավորվեցին։
