Լիբանանում գործող իրանամետ «Հեզբոլա» շարժումը խստորեն դատապարտել է երեկ երեկոյան կառավարության կողմից կայացված որոշումը, որի համաձայն ոչ պետական բոլոր կառույցները պետք է զինաթափվեն։
Լիբանանի հարավային շրջանները վերահսկող, շիա մահմեդականների շահերը ներկայացնող «Հեզբոլա»-ն այս քայլը «ճակատագրական սխալ է» որակել՝ պնդելով, որ այն կայացվել է Միացյալ Նահանգների և Իսրայելի ճնշման ներքո։
Լիբանանի կառավարությունը երեկվա որոշմամբ հանձնարարել է երկրի Զինված ուժերին մի ծրագիր մշակել, որի համաձայն մինչև տարեվերջ ողջ Լիբանանի տարածքում զինված ստորաբաժանումներ ունենալու իրավունք կունենան բացառապես պետական ուժային կառույցները։
